Arsenal hefur enn áhuga á Youri Tielemans, miðjumanni Leicester. Sky Sports segir frá.

Tielemans hefur verið orðaður við Arsenal töluvert í sumar. Félagið hefur ekki boðið í hann nýlega en er talið hafa boðið of litla fjárhæð í hann fyrr í sumar.

Líklegasta niðurstaðan er að belgíski miðjumaðurinn verði áfram hjá Leicester á þessari leiktíð.

Tielemans á þó aðeins eitt ár eftir af samningi sínum. Er Leicester talið tilbúið að selja hann ef tilboð upp á 25 milljónir punda berst. Leikmaðurinn gæti annars farið frítt næsta sumar.

Arsenal er í vandræðum á miðsvæðinu þessi misserin. Thomas Partey er meiddur og einnig Mohamed Elneny. Tielemans gæti því leyst vandræðin.

Arsenal taka á móti Aston Villa í ensku úrvalsdeildinni í kvöld. Skytturnar eru á toppi deildarinnar með fullt hús stiga eftir fjóra leiki.