Erik ten Hag, stjóri Manchester United, segir að það sé vilji eigenda félagsins að sjá liðið vinna sína leiki en félagið er í eigu Glazer fjölskyldunnar.

Stuðningsmenn Man Utd ætla að mótmæla á morgun er liðið mætir Liverpool en þeir vilja sjá eigendur félagsins fara og sem fyrst.

Glazer fjölskyldan hefur lengi verið hötuð í Manchester en hún er dugleg að taka peninga út úr félaginu án þess að sýna mikinn metnað yfir gengi liðsins.

Ten Hag tók við Man Utd í sumar en hann hefur nú tjáð sig um sín fyrstu kynni af Bandaríkjamönnunum.

,,Ég get bara sagt að eigendurnir vilja vinna og við viljum fá stuðningsmenn á borð með okkur,“ sagði Ten Hag.

,,Ég get skilið þetta stundum en ég hef ekki verið hér það lengi til að þekkja alla söguna. Stundum þurfum við að berjast og standa saman.“