Luis Suarez, fyrrum leikmaður Liverpool, ræddi við landa sinn Darwin Nunez eftir atvik sem átti sér stað síðustu helgi.

Nunez var þá rekinn af velli í leik gegn Crystal Palace fyrir að skalla varnarmanninn Joachim Andersen sem hafði böggað framherjann nánast allan leikinn.

Suarez þekkir það vel að brjóta af sér og hefur tvisvar verið dæmdur í bann fyrir að bíta andstæðing.

Hann talaði við Nunez eftir atburðarás síðuastu viku og vonar innilega að hann fari eftir sínum ráðum.

,,Eftir það sem gerðist um daginn þá ræddi ég við hann því hann er nýbyrjaður og ég þurfti að láta hann átta sig á því að leikmenn munu einbeita sér að honum meira en tvisvar eða þrisvar,“ sagði Suarez.

,,Það er meira á Englandi, hann heyrir þetta frá hálfvita sem gerði mistök og fær að gjalda fyrir þau en að falla og að standa aftur á fætur gerði mig sterkari. Ekki gefa þeim fleiri tækifæri á að gera þetta, það gerir hlutina verri.“