Álagningarskrá vegna álagningar á einstaklinga á árinu 2021 var lögð fram í síðustu viku og hafa tekjufréttir vakið töluverða athygli í þjóðfélaginu. Þá einkum tekju stjórnenda og forstjóra fyrirtækja á vinnumarkaði sem mörgum þykja keyra töluvert fram úr góðu hófi.

Hér skoðun við aðila sem kalla mætti riddara réttlætisins, en það eru dómarar, lögfræðingar og lögreglumenn. Í efstu sætunum eru núverandi og fyrrverandi hæstaréttardómarar, enda er það æðsta stig réttarvörslunnar hér á landi – þetta er fólkið sem kveður á um hvernig lögin skuli túlkuð.

Hér að neðan má sjá lista með rúmlega 100 völdum nöfnum úr íslenska réttarvörslukerfinu. Þar má sjó þó nokkurn launamun þar sem Viðar Már Matthíasson fyrrverandi hæstaréttardómari trónir á toppnum með rúmlega 5 milljónir á mánuði á meðan hæstaréttarlögmenn ná ekki lágmarkslaunum, en taka ber þó fram að einstaklingar á listanum geta verið með tekjur í gegnum fyrirtækjakennitölur. Þó vekur athygli að í fjórða sæti listans er hæstaréttarlögmaðurinn Kristinn Hallgrímsson, sem er einn eigenda lögmannsstofunnar ARTA, en hann er með rúmar þrjár milljónir á mánuði.

Friðrik Smári Björgvinsson, saksóknari hjá Héraðssaksóknara er svo með rúmar 2,5 milljónir, sem er meira heldur en ríkissaksóknari, Sigríður J. Friðjónsdóttir, er með, en hún er með um 1,9 milljónir. Ríkislögreglustjóri Sigríður Björk Guðjónsdóttir er svo með um 1,8 á mánuði.

Á meðfylgjandi nafnalista kennir margra grasa. Þar má t.d. finna lögreglumann sem er með hærri mánaðartekjur heldur en lögreglustjórinn á Suðurlandi og yfirlögfræðing hjá lögreglustjóranum á Suðurnesjum sem er með hærri mánaðarlaun en Fangelsismálastjóri.

Tekjulistinn í heild sinni