Tveir æðstu yfirmenn sveitarfélaga rufu þriggja milljón króna múrinn í mánaðarlegum tekjum á síðasta ári. Það voru þeir Gunnar Einarsson, fyrrverandi bæjarstjóri Garðabæjar og Dagur B. Eggertsson, borgarstjóri Reykjavíkur. Gunnar var með sjónarmun hærri laun en Dagur en báðir rufu þeir 3 milljón króna múrinn. Reikna má líkum að því að þessar tekjur dugi á verðlaunapall í margumtöluðum lista um launahæstu borgarstjóra heimsins, hvað þá bæjarstjóra.

Þá vekur nokkra athygli að báðir eru þeir með mun hærri laun en forsætisráðherra Íslands, Katrín Jakobsdóttir sem þénaði um 2,7 milljónir króna í fyrra.

Ásthildur B. Sturludóttir. sem var enduráðin sem bæjarstjóri Akureyrar á dögunum, er rétt undir forsætisráðherra í launum eða með 2,6 milljónir króna.

Úttekt DV á tekjum bæjarstjóra var ekki tæmandi en alls voru tíu æðstu yfirmenn sveitarfélaga með yfir 2 milljónir króna á mánuði. Rétt er að geta þess að í fæstum tilvikum eru laun bæjarstjóranna fyrir embættisverkin svo há en hinsvegar sitja flestir í ýmsum stjórnum á vegum sömu sveitarfélaga sem telur drjúgt í veski þeirra.

Hér má sjá lista yfir þá bæjarstjóra sem rjúfa 2 milljón króna múrinn í launum.