Antony, framherji Ajax, hefur ekki hugmynd um hvort Erik ten Hag muni reyna að fá hann til liðs við Manchester United í sumar.
Antony var í byrjun sumars sterklega orðaður við Man Utd en hann og Ten Hag unnu saman hjá hollenska félaginu.
Brassinn virðist ekki vera að leitast eftir því að komast burt og er mjög ánægður í herbúðum Ajax.
,,Mun Ten Hag hringja í mig? Ég hef ekki hugmynd, hann þarf að ræða þetta við umboðsmenn mína,“ sagði Antony.
,,Ég er einbeittur að verkefni hérna, hvað gerist, við sjáum til. Mér líður vel hjá Ajax og gef altl fyrir félagið í hverjum leik. Ég elska borgina og þennan klúbb.“
