Lögreglustjórinn á Norðurlandi eystra hefur boðað að nýju blaðamennina Aðalstein Kjartansson, Arnar Þór Ingólfsson, Þóru Arnórsdóttur og Þórð Snæ Júlíusson í skýrslutöku vegna meintra brota á friðhelgi einkalífs í máli Páls Steingrímssonar, skipstjóra hjá Samherja, en málið varðar þá atburðarás sem varð er síma Páls var stolið og gögn úr honum afrituð, vorið 2021. Fjórmenningarnir hafa stöðu sakbornings í rannsókn lögreglu á málinu.
RÚV greinir frá þessu.
Þórður Snær staðfesti í samtali við fréttastofu RÚV að hann og Arnar Þór Ingólfsson hefðu mætt í skýrslutöku í dag. Eftir er að taka skýrslu af Þóru og Aðalsteini.
