Kínverskir læknar segja að 35 manns hafi sýkst af nýrri veiru, „Langya henipavirus“ (LayV) í Henan og Shandong héruðunum. Þessi veira tilheyrir sömu veiruætt og Nipah veiran sem verður allt að þremur fjórðu hlutum þeirra, sem smitast, að bana.

Góðu tíðindin eru að enginn hefur látist af völdum LayV og sjúkdómseinkennin hafa að mestu verið væg, líkjast flensueinkennum.

Talið er að veiran hafi borist í fólk úr snjáldurmúsum.

Í rannsókn, sem var birt í the New England Journal of Medicine á síðasta ári, kemur fram að veiran hafi fyrst greinst í fólki 2019. Nokkur tilfelli hafa greinst á þessu ári.

Daily Mail segir að kínverskir vísindamenn telji að aðeins sé um örfá smit að ræða hjá fólki. Þeir vita ekki enn hvort veiran getur borist á milli fólks.

Algengustu einkennin hjá hinum smituðu voru hiti en nær allir sjúklingarnir fengu hita. Þreyta hrjáði 54%, hósti 50%, lystarleysi 50%, beinverkir 46% og 38% fundu fyrir ógleði. Um 35% glímdu við lifrarvandamál og nýru 8% hættu að starfa eðlilega.

Langya er henipaveira, úr sömu veiruætt (Paramyxoviridae) og Nipah veiran sem verður allt að 75% smitaðra að bana. Hún berst í fólk úr leðurblökum.