Robert Lewandowski gerði Bayern Munchen mikinn greiða í sumar með hvernig hann hagaði sér fyrir félagaskipti til Barcelona.

Lewandowski fór aldrei leynt með það að hann vildi komast til Spánar í sumar og greindi einnig frá því opinberlega.

Það var aldrei vilji Bayern að selja Lewandowski en félagið mun fá allt að 50 milljónir evra fyrir leikmann sem átti eitt ár eftir af samningi sínum,.

Dietmar Hamann, fyrrum leikmaður Liverpool og þýska landsliðsins, segir að hegðun Lewandowski hafi svo sannarlega hjálpað félaginu í að græða í glugganum.

,,Það verður að segjast að Bayern hagaði sér mjög fagmannlega og vel. Lewandowski gerði Bayern mikinn greiða með sínum orðum,“ sagði Hamann.

,,Án þess hefði Bayern örugglega aldrei fengið þá upphæð sem félagið fékk fyrir hann. Eins slæm og þessi brottför var þá gerði Lewandowski liði Bayern stóran greiða.“