Chelsea festi í kvöld kaup á markmanni en hann heitir Gabriel Slonina og kemur frá Bandaríkjunum.
Slonina er 18 ára gamall og kemur frá Chicago Fire og gerir sex ára samning við Chelsea.
Hann kostar Chelsea um 12 milljónir punda en mun klára tímabilið í MLS-deildinni með Chicago.
Hann mun ekki vera hluti af leikmannahópi Chelsea þangað til í janúar en framtíð Slonina er gríðarlega björt.
Slonina er af pólskum uppruna og var kallaður í landsliðið í júní fyrir leiki í Þjóðadeildinn en afþakkaði það og vill spila fyrir Bandaríkin þar sem hann er fæddur og uppalinn.
