Viðar Örn Kjartansson er kominn með nýtt lið en hann hefur spilað víðs vegar um heiminn á sínum ferli.

Viðar var síðast á mála hjá Valerenga í Noregi en hann lék með liðinu frá árinu 2020 eftir að hafa komið frá Rússlandi.

Viðar er 32 ára gamall framherji og á að baki 32 landsleiki fyrir Ísland en honum var frjálst að semja við nýtt félag í sumar.

Samkvæmt hlaðvarpsþættinum Dr. Football er næsti áfangastaður Viðars í Grikklandi og skrifar hann undir hjá Atriomitos í efstu deild þar í landi.

Atromitos hafnaði í 12. sæti grísku deildarinnar síðasta vetur og er nú þegar með tíu útlendinga í sínum röðum.

Viðar hefur ekki spilað í Grikklandi áður en hefur reynt fyrir sér í löndum eins og Kína og Ísrael og gerði það einnig gott í Skandinavíu.

Chris Coleman, fyrrum landsliðsþjálfari Wales, er stjóri Atrimitos en hann tók við liðinu fyrr á þessu ári.

Viðar Örn Kjartansson er genginn til liðs við Atromitos í grísku úrvalsdeildinni. Þjálfari liðsins er Chris Coleman. Við ræðum í kvöld í helgaruppgjöri Dr. Football.

— Dr. Football Podcast (@drfootballpod) August 1, 2022