Robert Lewandowski, leikmaður Barcelona, hefur skotið föstum skotum á blaðamenn sem ræddu hans framtíð í sumar.

Lewandowski er genginn í raðir Börsunga frá Bayern Munchen en hans framtíð var lengi í lausu lofti í sumar og vildi Bayern ekki losna við hann í langan tíma.

Sumir töluðu um að Lewandowski væri að heimta að fara því Bayern vildi fá Erling Haaland frá Borussia Dortmund en hann endaði hjá Manchester City.

Pólverjinn segir að þær sögusagnir hafi verið algjört kjaftæði og að margar lygasögur hafi farið á kreik í sumar.

,,Mín brottför hafði ekkert með Erling Haaland að gera,“ sagði Lewandowski í samtali við ESPN.

,,Jafnvel þó eitthvað henti mér ekki þá er sannleikurinn alltaf mikilvægari. Ég vil ekki fara út í smáatriðin um hvað gerðist en ef ég er spurður hvort hann hafi verið ástæðan fyrir því að ég fór er svarið nei. Ég gat ekki séð nein vandamál fyrir mér ef hann kæmi til liðsins.“

,,Sumir vilja hins vegar ekki segja sannleikann og villja eitthvað annasð. Fyrir mig er alltaf mikilvægt að vera skýr og segja satt, það var vesen fyrir suma.“