Luka Jovic, leikmaður Fiorentina, hefur útskýrt af hverju hann ákvað að yfirgefa Real Madrid í sumar.

Jovic skrifaði undir lánssamning við Fiorentina en hann stóðst ekki væntingar hjá Real eftir að hafa komið frá Frankfurt.

Jovic segir að Fiorentina hafi verið mjög heillandi kostur og gat ekki séð sjálfan sig ná árangri undir Carlo Ancelotti hjá Real sem virtist hafa litla trú á framherjanum.

,,Það eru nokkrar ástæður fyrir því. Þær helstu voru metnaður félagsins og það að stjórinn vill spila sóknarbolta. Fiorentina er eitt af fáum liðum á Ítalíu sem spila sóknarbolta,“ sagði Jovic um af hverju hann fór.

,,Eins og þið vitið hafa margir leikmann frá Baltanskaga leikið í Flórens og það eru þrír aðrir Serbar hérna.“

,,Þetta var það sem ég þurfti, ég þurfti að fá að æfa með svona stjóra, stjóra sem vill sjá þig leggja allt í sölurnar og hefur trú á þér.“