Fjölmargir landsmenn og túristar gerðu sér ferð að gosstöðvunum við Fagradalsfjall í Geldingadölum eftir að gosið hófst þann 19. mars árið 2021. Á samfélagsmiðlum í kjölfarið mátti varla sjá annað en myndir frá svæðinu og færslur frá fólki sem hreykti sér af því að hafa gengið upp að eldgosinu. Óhætt er að segja að fólk hafi verið afar spennt fyrir þessu eldgosi en þó er ein manneskja sem virðist hafa verið nokkuð spenntari en aðrir.
Sú manneskja gengur undir nafninu NottyInNature á klámsíðunni PornHub en umræddur notandi birti myndband af sér á síðunni alræmdu sem tekið var upp í nágrenni við gosstöðvarnar. Í myndbandinu sést Notty stunda sjálfsfróun og ná hámarki í takt við eldgosið. „DOUBLE ERUPTION!!“ segir í heiti myndbandsins sem hefur vakið töluverða athygli eftir að skjáskoti úr því var deilt á Twitter í gær.
— 💕 faerie gf 💕 (@YOURFRIENDSYLPH) July 28, 2022
Ljóst er að uppátæki NottyInNature hefur vakið töluverða lukku meðal netverja sem keppast um að lýsa hrifningu sinni á myndbandinu. Margir netverjar benda til dæmis á þá staðreynd að eflaust séu fáir í sögunni sem hafa stundað sjálfsfróun á meðan horft er á eldgos, hvað þá tekið það upp á myndband. „Þrátt fyrir það að þetta hafi ekki kveikt í mér þá er þetta hrífandi,“ segir til að mynda einn netverji.
Þá segist einn netverji ekki hafa haft það í sér að horfa á allt myndbandið og þess vegna spólað í lokin til þess að sjá lokaniðurstöðuna. „Þetta er mögnuð tímasetning, fullnægingin var næstum fullkomlega í takt við eldgosið.“
Nokkrir netverjar hafa þá birt sömu myndina af afsteypu manns sem lést í eldgosinu í Pompeii í athugasemdunum. Á þeirri mynd lítur út eins og maðurinn hafa verið að stunda sjálfsfróun þegar hann varð undir heitu hrauninu. „Sagan endurtekur sig,“ segir til dæmis einn netverji sem birtir myndina í samhengi við myndbandið frá gosstöðvunum í Geldingadölum.
