„Ég er mjög spenntur. Ég hlakka til að byrja og spila fyrir framan stuðningsmennina,“ segir Andri Lucas Guðjohnsen eftir að hafa skrifað undir já IFK Norköpping í Svíþjóð.

Þessi tvítugi framherji hefur nú yfirgefið herbúðir Real Madrid þar sem hann lék fyrir unglinga og varalið.

„Þetta er mjög spennandi og ég er mjög ánægður með að vera hér. Ég hef aldrei spilað, eða jafnvel verið, í Svíþjóð áður. Ég þrái að byrja og spila fyrir framan stuðningsmennina, segir Andri

Andri fór yfir æsku sína en faðir hans Eiður Smári Guðjohnsen lék erlendis og Andri hefur aldrei búið á Íslandi.

„Ég fæddist í London þegar pabbi minn spilaði fyrir Chelsea, ég flutti til Spánar þegar ég var fjögurra ára og hef búið á Spáni síðan. Ég er Íslendingur en hef tekið upp spænskar hefðir  sem sjást í fótboltanum.“

„Ég er framherji sem vill hreyfa sig mikið, koma neðar á völlinn og tengja við leikmenn. Ég reyni svo að vera klár í teignum til að skora mörk. Þetta er frábært skref á ferli mínum, ég hef heyrt mjög góða hluti um félagið fyrir unga leikmenn. Þetta er fullkomið skref.“

Tony Martinsson íþróttastjóri félagsins fagnar komu Andri. „Það er ánægjulegt að við getum laðað að okkur svona spennandi leikmann með mikla hæfileika sem velur að koma til IFK Norrköping frá Real Madrid. Þrátt fyrir ungan aldur hefur hann alþjóðlega reynslu með unglinga- og A-landsliðum. Hann er gamaldags framherji sem er góður í teignum,“ sagði Tony

Framherjinn hefur leikið með Real undanfarin fjögur ár og spilað þar með varaliði félagsins en var áður hjá Espanyol.