Það var gríðarlegt fjör í Lengjudeildinni í kvöld er fjórir leikir voru spilaðir og fengu áhorfendur víðs vegar um landið mikið fyrir sinn snúð.

Selfoss tapaði 2-1 heima gegn HK þar sem heimaliðið klikkaði á tveimur vítaspyrnum og komst þá yfir snemma leiks.

Gary Martin og Gonzalo Zamorano fengu báðir tækifæri til að skora fyrir Selfoss á vítapunktinum en klikkuðu báðir, því miður fyrir heimamenn.

HK var 1-0 undir í fyrri hálfleik en Stefán Ingi Sigurðarson og Arnþór Ari Atlason gerðu tvö mörk fyrir liðið í þeim seinni.

Ívar Örn Jónsson fékk að líta rauða spjaldið hjá HK á 81. mínútu fyrir sitt annað gula spjald og víti dæmt en þar klikkaði Gonzalo og mistókst að tryggja stig.

Fjölnir vann stórsigur fyrr í kvöld á botnliði Þróttar Vogum en liðið skoraði sex mörk gegn engu frá gestunum.

Afturelding vann þá ótrúlegan sigur á Grindavík þar sem heil níu mörk voru skoruð í einum af leik sumarsins.

Afturelding vann leikinn 5-4 þar sem Marciano Aziz reyndist hetjan og gerði sigurmark þegar ein mínúta var eftir af venjulegum leiktíma.

Fylkir er í öðru sæti deildarinnar einu stigi á eftir HK en liðið vann KV 3-2 í kvöld.

Fylkismenn voru undir eftir fyrri hálfleik en Arnór Gauti Jónsson og Þórður Gunnar Hafþórsson skoruðu fyrir gestaliðið í seinni til að tryggja sigur.

Selfoss 1 – 2 HK
1-0 Adam Örn Sveinbjörnsson (‘6)
1-1 Stefán Ingi Sigurðarson (’55)
1-2 Arnþór Ari Atlason (’69)

Fjölnir 6 – 0 Þróttur V.
1-0 Hákon Ingi Jónsson (‘2)
2-0 Hans Viktor Guðmundsson (’17)
3-0 Guðmundur Þór Júlíusson (’45)
4-0 Lúkas Logi Heimisson (’45)
5-0 Andri Freyr Jónasson (’81)
6-0 Árni Steinn Sigursteinsson (’90)

Grindavík 4 – 5 Afturelding
0-1 Javier Ontiveros Robles (‘4)
1-1 Tómas Leó Ásgeirsson (’16, víti)
2-1 Dagur Ingi Hammer Gunnarsson (’42)
2-2 Sigurður Gísli Bond Snorrason (’51)
2-3 Elmar Kári Enesson Cogic (’52)
3-3 Dagur Ingi Hammer Gunnarsson (’59)
3-4 Jökull Jörvar Þórhallsson (’79)
4-4 Kenan Turudija (’83)
4-5 Marciano Aziz (’89)

KV 2 – 3 Fylkir
1-0 Magnús Snær Dagbjartsson (’14)
1-1 Nikulás Val Gunnarsson (’30)
2-1 Samúel Már Kristinsson (’43)
2-2 Arnór Gauti Jónsson (’51)
2-3 Þórður Gunnar Hafþórsson (’72)