Úkraínsk yfirvöld segja að Rússar hafi gert flugskeytaárás á borgina Vinnytsia í gær. Hafi flugskeytum verið skotið frá kafbátum í Svartahafi á íbúðarhús og aðrar byggingar almennra borgar.  Meðal hinna látnu eru fjögurra ára stúlka og tvö önnur börn. Móðir stúlkunnar særðist alvarlega.  23, hið minnsta, létust í árásinni. 39 er saknað. Sky News skýrir frá þessu.

Úkraínska varnarmálaráðuneytið hefur birt myndband á Twitter þar sem Lisa Dmitrieva, 4 ára, sést á síðustu mínútum lífs síns. Hún var með Down‘s heilkennið. „Í árás rússnesku hryðjuverkamannanna á Vinnytsia þann 14. júlí lést lítil stúlka að nafni Lisa í sprengingunni. Móðir hennar, Iryna, var flutt á sjúkrahús en fótur hafði rifnað af henni. Á samfélagsmiðlasíðu Iryna sjást síðustu mínútur dóttur hennar,“ segir í færslu ráðuneytisins.

During the russian terrorist attack on Vinnytsia on July 14, a little girl named Lisa died from the explosion. Her mother Iryna was taken to the hospital with her leg torn off. Iryna’s page on social media captures last minutes of her daughter’s life. pic.twitter.com/bJWz2h8eIJ

— Defence of Ukraine (@DefenceU) July 14, 2022

Hér fyrir neðan er myndband með upptökum frá atburðum gærdagsins í Vinnytsia.