Knattspyrnuaðdáandi birti í gær myndband af Antonio Conte, knattspyrnustjóra Tottenham, í flugi hjá flugfélaginu Ryanair.

Um írskt lággjaldaflugfélag er að ræða sem býður viðskiptavinum oft upp á allra ódýrustu flugin til áfangastaða í Evrópu.

Það vakti því athygli að Conte, sem þénar næstum 2,5 milljarða á ári í starfi sínu, hafi verið í flugi með flugfélaginu.

Flugið sem Conte var í var á leið frá Tórínó á Ítalíu til Lundúna, þar sem Ítalinn starfar sem stjóri Tottenham.

Conte náði góðum árangri með Totenham á síðustu leiktíð. Liðið hafnaði í fjórða sæti ensku úrvalsdeildarinnar og náði þar með Meistaradeildarsæti eftir harða baráttu við erkifjendurna í Arsenal.

Conte flying Ryanair? Spurs gotta pay off their wages somehow pic.twitter.com/Y6Z98pTbco

— Back Again W/Troopz Podcast (@backagain) July 4, 2022