ÍBV 0 – 0 Breiðablik
Það fór fram einn leikur í Bestu deild karla en Breiðablik heimsótti ÍBV í Vestmannaeyjum í bragðdaufri viðureign.
Flestir bjuggust við sigri Breiðabliks í dag en liðið hefur spilað glimrandi vel í sumar og er í toppsætinu.
Jafntefli var þó niðurstaðan á Hásteinsvelli en því miður fyrir áhorfendur voru engin mörk skoruð.
ÍBV var fyrir leikinn á botninum með aðeins fjögur stig en er nú í því næst neðsta með fimm.
Blikar eru enn á toppnum með 31 stig, níu stigum á undan Víkingi Reykjavík í öðru sæti.