Það er mikið rætt um sóknarmanninn Raphinha sem spilar með Leeds en hann er orðaður við mörg félög í Evrópu.

Talið er að Raphinha muni yfirgefa lið Leeds í sumar og er líklegast að hann skrifi undir hjá Arsenal sem hefur mikinn áhuga.

Það eru ekki allir sem vita hver umboðsmaður Raphinha er en það er fyrrum miðjumaðurinn Deco.

Deco var á sínum tíma á mála hjá bæði Chelsea og Barcelona en Raphinha hefur verið orðaður við bæði þessi félög.

Deco vann Meistaradeildina tvisvar á sínum ferli og var í öðru sæti yfir besta leikmann heims árið 2004.

Það er spurning hvort tenging Deco við Chelsea muni hjálpa félaginu að fá Raphinha sem er þó talinn vera að horfa til Arsenal.