Ferðatæknifyrirtækið Travelshift sem rekur m.a. Guide to Iceland, markaðstorg sem er notað af yfir 1500 ferðaþjónustufyrirtækjum á Íslandi, hefur ráðið Telmu Sveinsdóttur í stöðu mannauðsstjóra.

Telma, sem er með mastersgráðu í mannauðsstjórnun frá Háskóla Íslands, kemur til Travelshift frá Símanum þar sem hún starfaði sem fræðslusérfræðingur. Þar á undan starfaði Telma um árabil sem mannauðssérfræðingur hjá Landspítalanum, þar sem hún sérhæfði sig í ráðningum og aðlögun erlendra sérfræðinga.

„Travelshift er framúrskarandi fyrirtæki að mörgu leyti og ekki síst þegar kemur að því að gera vel við starfsfólkið sitt, en hópurinn er m.a. nýkominn frá Portúgal. Það eru að auki eru spennandi tímar framundan hjá Travelshift. Fyrirtækið fagnar 10 ára afmæli með tónleikum á Ingólfstorgi laugardagin 2. júli þar sem fram koma Friðrik Dór, Gugusar og Herra Hnetusmjör. Það verður frítt inn og öllum er boðið en tónleikarnir byrja klukkan 20 og standa til 22. Það verður gaman að fá að vinna með teyminu og einstakt tækifæri að fá að taka þátt í þessari vegferð,“ segir Telma.