Hundurinn Balto hvarf á fimmtudagskvöldið í Hafnarfirði. Balto er 14 mánaða og af tegundinni Husky. Hann sást aðfaranótt föstudags á hundasvæðinu Bala og svo sást til hans í gær, föstudag, hjá Álftanesvegi, Setbergi, Áslandi, Reykjanesbrautinni og svo loks við Lækjarskóla í Hafnarfirði um klukkan 22:30 í gær.

Ekkert hefur spurst til hans síðast. Hundasveitin hefur nú lýst eftir honum og eru þeir sem hafa séð til hans beðnir að hafa samband í síma 774-5737 (Davíð), í síma 892-7201 (Anna) eða í síma 898-7501(Magnús). Þeir sem sjá til hans eru beðnir um að elta hann ekki heldur hringja beint í áðurnefnd símanúmer. Best væri svo að halda góðri fjarlægð og fylgjast þannig með ferðum hans.

Óskað er eftir því að þeir sem sjái til hans láti vita hvar hann sást, klukkan hvað og í hvaða átt hann fór. Balto er talinn hræddur og líklegur til að fela sig.