Hjá Arsenal eru menn vongóðir um að Gabriel Jesus, framherji Manchester City, sé að mæta til félagsins. Times segir frá.
Arsenal bauð 30 milljónir punda í Brasilíumanninn í síðustu viku en boðið þarf líklega að vera nær 50 milljónum punda.
Þó er talið líklegt að samningar geti náðst.
Sjálfur er hinn 25 ára gamli Jesus opinn fyrir því að ganga í raðir Arsenal. Hann á aðeins eitt ár eftir af samningi sínum við Man City.
Arsenal er í leit að framherja. Alexandre Lacazette yfirgaf félagið á dögunum og liðinu sárvantaði þá markaskorara í fremstu víglínu á síðustu leiktíð.
Jesus hefur einnig verið orðaður við félög á borð við Real Madrid og Tottenham.
