Everton hefur staðfest að Gylfi Þór Sigurðsson verði ekki lengur leikmaður félagsins þegar samningur hans við félagið rennur út í lok júní.
Gylfi hefur ekki spilað með Everton í eitt ár eftir að hafa verið handtekinn síðasta sumar, síðan þá hefur hann verið undir rannsókn lögreglu vegna gruns um kynferðisbrot gegn ólögráða einstaklingi.
The Athletic fjallar um málið og vitnar í yfirlýsingu frá Everton um málið.
Meira:
Ítarleg grein um mál Gylfa Þórs: Teipað fyrir glugga á heimili hans og fartölvan tekin
Gylfi gekk í raðir Everton árið 2017 frá Swansea og kostaði félagið 40 milljónir punda. Hann er dýrasti leikmaður í sögu félagsins.
Gylfi spilaði 156 leiki fyrir Everton á ferli sínum með félaginu.
Að auki fara þeir Fabian Delph, Jonjo Kenny og Cenk Tosun frá félaginu þegar samningur þeirra renna út á sama tíma.
Gylfi er laus gegn tryggingu til 16 júlí en þá verður ár frá því að hann var handtekinn á heimili sínu. Óvíst er hvort ákært verði í málinu þá, rannsókn haldi áfram eða málið fellt niður.
