Frenkie de Jong hefur látið vita af því að hann sé klár í að ganga í raðir Manchester United í sumar. The Athletic segir frá.
Barcelona vill helst selja De Jong í sumar og hann er meðvitaður um það. Athletic segir það heilla De Jong að vinna aftur með Erik ten Hag.
De Jong lék undir stjórn Ten Hag hjá Ajax en var seldur til Barcelona sumarið 2019 fyrir um 70 milljónir punda.
Athletic segir að Barcelona vilji fá 70 milljónir punda fyrir De Jong í sumar sem er svipaður kostnaður og félagið borgaði fyrir hann.
Erik ten Hag þarf að bæta og breyta liði United sem hefur undanfarin ár verið í krísu þrátt fyrir mikla peningaeyðslu.
