The Athletic kafar djúp ofan í mál Gylfa Þórs Sigurðssonar sem lögreglan í Manchester hefur nú rannsakað í ellefu mánuði. Gylfi var handtekinn í júlí á síðasta ári og er grunaður um kynferðisbrot gegn ólögráða einstaklingi.

Langur rannsóknartími lögreglu hefur vakið athygli en enginn ákvörðun hefur verið tekin um hvort ákært verði í málinu.

Meira:
Ítarleg grein um mál Gylfa Þórs: Teipað fyrir glugga á heimili hans og fartölvan tekin

„Tafir í réttarkefinu við að rannsaka mál er áhyggjuefni fyrir alla sem koma að máli, hvort sem það eru meintir þolendur eða meintir gerendur,“ segir Dino Nocivelli, hjá Leigh Day lögfræðistofunni sem sérhæfir sig í málum um meinta misnotkun.

„Því miður er þetta að verða sífellt algengara og versnandi vandamál.“

Fram kemur í frétt The Athletic að langur rannsóknartími í Bretlandi hafi orðið til þess að meintir þolendur hafa fallið frá málum, það taki of mikið á andlega að vera með það hangandi yfir sér mánuðum og árum saman.

„Áhrifin á meint fórnarlömb geta verið mjög skaðleg. Þeir geta ekki reynt að halda áfram með líf sitt á meðan (hugsanlegt) dómsmál hangir yfir þeim og bið þeirra eftir réttlæti og lokun heldur áfram.“

Gylfi hefur ekki spilað fótbolta frá því að málið kom upp en samningur hans við Everton rennur út í lok mánaðar.