Romelu Lukaku framherji Chelsea segist ekki getað rætt framtíð sína nú þegar hún er til umræðu í fjölmiðlum.
Lukaku gekk til liðs við Chelsea í annað sinn á ferlinum frá Inter síðasta sumar. Þessum 29 ára gamla leikmanni tókst aðeins að skora átta mörk í ensku úrvalsdeildinni og átti ekki fast sæti í liðinu þegar leið á tímabilið.
Samkvæmt frétt Mirror í gær er Lukaku til í að taka á sig mikla launalækkun til að komast aftur til Ítalíu.
„Ég get ekki tjáð mig um framtíðina,“ sagði Lukaku í verkefni með landsliði Belgíu.
Í samningi sínum hjá Inter þénaði Lukaku um 6,4 milljónir punda á ári. Hann þénaði um þremur milljónum punda meira en það eftir skatt hjá Chelsea. Belginn er sagður glaður vilja fara aftur á sömu laun og hann var með hjá Inter, fái hann að fara aftur til ítalska félagsins.
