„Game planið sem við lögðum upp með virkaði, við vissum að þeir væru fljótir og léttleikandi. Fyrstu tuttugu mínúturnar voru erfiðar, síðustu 25 mínúturnar í fyrri hálfleik voru góðar. Fyrstu 15-20 í seinni mjög gott,“ sagði Arnar Þór Viðarsson landsliðsþjálfari Íslands eftir 2-2 jafntefli gegn Ísrael.

„Við virðum stigið því þeir fengu dauðafæti undir lokin,“ sagði Arnar eftir leik í Þjóðadeildinni.

Brynjar Ingi Bjarnason fór meiddur af velli og telur Arnar að meiðslin hafi haft áhrif á frammistöðu hans í fyrra marki heimamanna í Ísrael. „Brynjar fékk mjög fljótlega í kálfann, það sást í markinu sem þeir skora. Hann gat ekki farið 100 prósent, ég er stoltur af strákunum.“

„Þetta er góð byrjun á erfiðum útivelli, ég sagði það við þá fyrir leik. Drullusvekktur að taka ekki þrjú, þetta er skref í rétta átt.“

Það hefur gustað um landsliðið og KSÍ í eitt ár, Arnar segir þetta leiðina til að svara. „Við getum bara stjórnað því sem við getum stjórnað, fólk verður að fá að hafa skoðanir. Ég get ekki stjórnað því sem er fyrir utan mig, ég vinn mína vinnu af bestu getu. Þeir sem vilja alltaf vera neikvæðir, verða að fá að vera neikvæðir

„Við erum að þróa lið, við erum að undirbúa lið. Við ætlum að vera með mjög gott landslið fyrir undankeppni EM á næsta ári.“