Ítalskir fjölmiðlar segja að Romelu Lukaku sé til í að gerast nánast allt til þess að komast aftur til Inter Milan og losna frá Chelsea.
La Gazzetta dello Sport segir að Lukaku hafi náð samkomulagi við Inter um að koma á láni í ár, félögin eiga eftir að ná saman. Inter hefur ekki efni á að kaupa framherjann aftur.
Chelsea keypti Lukaku frá Inter fyrir ári síðan og borgaði félagið 97,5 milljónir punda fyrir framherjann.
Lukaku fann sig ekki og þegar líða tók á tímabilið vildi Thomas Tuchel ekki nota hann í byrjunarliðinu.
Sky á Ítalíu segir að lögfræðingar Lukaku eigi fund með forráðamönnum Inter á næstunni þar sem endurkoma hans verður rædd.
Lukaku steig fram í viðtali í desember og sagði frá því að hann vildi snúa aftur til Inter, þar leið belgíska framherjanum vel.
