Wolfsburg varð í dag þýskur bikarmeistari með stórsigri á Turbine Potsdam.
Sveindís Jane Jónsdóttir er leikmaður Wolfsburg og kom hún inn á sem varamaður á 72. mínútu í dag.
Wolfsburg vann öruggan 4-0 sigur í dag þar sem Ewa Pajor skoraði þrennu. Hin mörkin gerðu þær Jill Roord og Dominique Janssen.
Þar með hefur Wolfsburg unnið tvennuna á leiktíðinni en félagið varð Þýskalandsmeistari á dögunum.
