Haframjöl er algjör snilld sem morgunverður, hvort sem er í hafragraut eða bara með mjólk út á. Það bragðast vel og kostar ekki mikið og flestir vita auðvitað að það er hollt. En það kemur sumum kannski á óvart hversu hollt haframjöl er.

Það eru fá næringarefni eða steinefni sem haframjöl inniheldur ekki. Haframjöl inniheldur líka mikið af góðu kolvetni sem veitir orku fyrir langan dag. Það inniheldur fjölda steinefna og vítamína eins og B– og E-vítamín. E-vítamín vinnur gegn sjúkdómum og gerir líkamann heilbrigðan og sterkan, það er eitt áhrifaríkasta næringarefnið fyrir ónæmiskerfið. B-vítamín koma við sögu í efnaskiptum líkamans og eiga sinn þátt í að allt gangi eins og það á að ganga.

Haframjöl inniheldur einnig prótín sem valda mettunartilfinningu. Þau innihalda einnig fitusýrur sem eru góðar fyrir hjartað og gera æðakerfinum og blóðrásinni gott.

Ef þú borðar 100 grömm af haframjöli fullnægir þú þriðjungi af daglegri þörf líkamans fyrir trefjar en trefjar aðstoða við meltinguna og vinna gegn hjarta- og æðasjúkdómum.

Haframjög inniheldur töluvert mikið af hitaeiningum eða 109 hitaeiningar í 30 grömmum. En það er ekkert til að hræðast því haframjölið mettar svo lengi og færir þér fullt af hollustu.