Simon Jordan, sérfræðingur talkSPORT skilur hvorki upp né niður í deilum Rebekuh Vardy og Coleen Rooney sem eru nú komnar fyrir dómsstóla. Hann segir málið skammarlegt og hvetur eiginmenn þeirra til þess að hætta fjármagna þessa vitleysu.

Deilur kvennanna tveggja hafa staðið yfir í langan tíma en Rebekah á­kvað að fara með málið fyrir dóm­stóla eftir að Co­leen á­sakaði hana um að leka upp­lýsingum um einka­líf hennar til breska slúður­miðilsins The Sun. Málið hefur teygt anga sína inn í um­hverfi enska boltans en Rebekah er eigin­kona Jamie Var­dy, fram­herja enska úr­vals­deildar­fé­lagsins Leicester City.

Co­leen greindi opin­ber­lega frá á­sökunum sínum í Twitter­færslu í októ­ber árið 2019 þar sem hún sagðist hafa haft grun um að Rebekah hafi verið að leka upp­lýsingum um einka­líf sitt til The Sun.

,,Ég held þetta ætti að renna upp fyrir eiginmönnum þeirra eftir að hafa fylgst með þessu:’Dömur – við hættum að fjármagna þessa vitleysu, pökkum saman, þetta er komið gott, þetta er vandræðalegt og algjör óþarfi,'“ lét Simon Jordan hafa eftir sér á talkSPORT um málið.

Hann segir það sorglegt að tími fólks fari í þetta. ,,Þessar tvær konur þurfa að þroskast og gera sér grein fyrir að það eru miklu brýnari hlutir í heiminum en egóið þeirra, narsissískar skoðanir þeirra á heiminum og það sem þær halda að þær eigi rétt á.“