Orri Hlöðversson fyrrum formaður knattspyrnudeildar Breiðabliks var gestur í hlaðvarpsþættinum Chess After Dark sem kom út í gær.

Orri er formaður ÍTF í dag og á sæti í stjórn KSÍ en hann er einnig í framboði fyrir Framsóknarflokkinn í Kópavogi.

Orri var spurður að því hvort það hefði verið rétt ákvörðun hjá Breiðablik að reka Ágúst Gylfason úr starfi haustið 2019.

„Ég tók ákvörðunina ekki einn um að reka einn eða neinn, við ákváðum að nýta glugga um að semja ekki við hann áfram. Þetta var mjög umdeilt, það voru margir hissa að við værum að slíta samstarfinu,“ sagði Orri.

Hann sagði ákvörðunina hafa verið rétta en Breiðablik réð Óskar Hrafn Þorvaldsson í starfið. „Já, ég myndi segja að þeta hafi verið rétt ákvörðun. Um leið segi ég það líka að leiðin hefur ekki alltaf verið einföld,“ segir Orri.

„Fyrsta tímabil Óskars hjá Breiðablik var ekki dans á rósum, hann var að læra á stærra umhverfið sem starfið hjá Breiðablik er.“

Ágúst Gylfason endaði tvö tímabil í röð í öðru sæti og fór með Blika í bikarúrslit. „Þó svo að Óskar hafi gert frábæra hluti fyrir Breiðablik þá hefur Breiðablik gert frábæra hluti fyrir Breiðablik. Mér finnst gaman að sjá hvernig hann hefur þróast í starfi.“

„Markmiðið númer eitt tvö og þrjú er að vinna titla. Draumurinn er að vinna titla með græn hjörtu í hverri stöðu á vellinum en við vitum að það er hægara sagt en gert. Við erum með hátt hlutfall.“