Íslendingaliðið AGF í dönsku úrvalsdeildinni missti af tækifærinu til að tryggja áframhaldandi veru í deildinni gegn Vejle í dag.

Vejle vann leikinn 1-0. Mikael Neville Anderson og Jón Dagur Þorsteinsson voru báðir í byrjunarliði AGF í leiknum.

Úrslitin þýða að AGF er þremur stigum á undan Vejle, sem er í fallsæti, þegar tvær umferðir eru eftir. Markatala AGF er þó mun betri.

Í dönsku B-deildinni unnu lærisveinar Freys Alexanderssonar í Lyngby 1-0 sigur á Hvidovre. Sævar Atli Magnússon kom inn á sem varamaður fyrir Lyngby í dag og lék um stundarfjórðung.

Lyngby er á toppi deildarinnar með 56 stig, tveimur stigum á undan liðinu í þriðja sæti, þegar þrjár umferðir eru eftir. Tvö lið fara upp í efstu deild.