Lándnámsegg, eggjabú í Hrísey, hefur lækkað verð á eggjum til verslana. Í fréttatilkynningu frá fyrirtækinu segir að lækkunin sé 15% og taki gildi nú í þessari viku. Landnámsegg fást nú í Fjarðakaupum, Hakaup, Krónunni, Melabúðinni og Verslun Hrísey.

„Við lækkum eggin núna þar sem við getum það með hagræðingu hjá okkur. Við erum samt sem áður mjög lítið eggjabú með aðeins 700 landnámshænur sem verpa ekki eins mikið og iðnaðarhænur gera. Okkur fannst bara gott að gera þetta núna þegar allt í samfélaginu er að hækka,“ segir Valgeir Magnússon, einn eigenda búsins Landnámsegg.

Í tilkynningu segir að búið sé eingöngu skipað landnámshænum sem verpa ekki eins þétt og eggin sé örlítið minni en fólk á að venjast. Hænurnar fái fjölbreyttara fóður og gangi frjálsar. Þá er því haldið fram að meira bragð sé af eggjunum sem sé ekki öll eins á litin.

„Þó að eggin séu aðeins minni þá hafa nokkrir góðir bakarar verið að gera tilraunir og allar uppskriftir ganga upp með sama eggjafjölda þegar fólk er að baka. Einnig hvert ég alla sem elska maregns að prufa að gera maregns úr landnámseggjum. Þá fær fólk maregns eins og í gamladaga, mun þéttari og loftkendari. Hann er bara alls ekki eins,“ segir Valgeir ennfremur.