„Við ætlum okkur meira en þetta, spá er bara til gamans og hún hefur aldrei ræst 100 prósent,“ segir Magnús Már Einarsson þjálfari Aftureldingar í Lengjudeild karla.

Afturelding fer af stað í Lengjudeildinni í kvöld þegar liðið mætir Grindavík. Liðinu er spáð 10 sæti deildarinnar sem er sama staða og liðið endaði í fyrra.

Lengjudeildin í beinni á Hringbraut:
Grótta – Vestri á laugardag klukkan 14:00
Markaþáttur Lengjudeildarinnar á mánudag klukkan 19:30

Afturelding vann Fótbolta.net mótið í vetur og Magnús fer brattur inn í mótið

„Veturinn hefur gengið vel, síðustu vikur hafa verið góðar og verið vaxani. Við erum í góðu standi og erum á betri stað en fyrir ári síðan.“

„Allir leikmenn sem hafa komið í vetur hafa verið öflugir að undanförnu. Ég held að hópurinn sé sterkari en í fyrra á sama tíma.“