Búið er að hefna 4,25 milljarða punda tilboða Sir Jim Ratcliffe í Chelsea en frá þessu greinir talsmaður hans.

Ratcliffe lagði tilboðið fram í síðustu viku, tveimur vikum eftir að lokað var fyrir tilboð. Ratcliffe er einn ríkasti maður í heimi.

„Okkur hefur verið hafnað að Raine sem sér um söluna en við höfum látið vita að við erum til í viðræður áfram,“ segir talsmaður Ratcliffe.

Raine sem sér um söluna er í viðræðum við Todd Boehly og félaga hans um kaup á Chelsea og eru fimm daga viðræður nú í gangi. Roman Abramovich eigandi Chelsea í dag þarf að samþykja allt.

Eigur Abramovich í Bretlandi voru frystar vegnar innrásar Rússlands í Úkraínu, til að bjarga félaginu og framtíð þess þarf Roman að selja félagið.

Það er gríðarleg óvissa í kringum Chelsea og framtíð félagsins nú þegar salan á félaginu virðist í uppnámi.

Vandræði eru að komast í söluna á Chelsea nú þegar Roman Abramovich eigandi félagsins virðist vera að svíkja loforð sitt.

Roman hefur í gegnum árin lánað Chelsea 1,6 milljarð punda. Þegar eigur hans í Bretlandi voru frystar sagðist eigandinn ekki ætla að fara fram á að lánið yrði endurgreitt.

Nú segir Times frá því að Roman vilji fá fjárhæðina endurgreidda. Núverandi keppnisleyfi Chelsea gildir til 31 maí en takist félaginu ekki að finna nýjan eiganda og leysa flækjuna, er óvíst hvort félagið fái keppnisleyfi í Meistaradeildinin og ensku úrvalsdeildinni.