Margir halda mikið upp á túnfisksalat og það er hægt er að laga það með mörgum útfærslum. Hver með sínu nefi og brögðin geta verið margvísleg. Þetta tryllta túnfisksalat er að finna í smiðju Berglindar Hreiðars köku- og matarbloggara með meiru sem heldur úti síðunni Gotterí og gersemar og er að gerði allt vitlaust í fyrrasumar.
„Mér sagt frá þessari frábæru hugmynd af túnfisksalati með eplum.Ekki hefði mér dottið í hug að epli gæti komið svona hrikalega vel út í salati og þetta orðið eitt af mínum uppáhalds salötum, það er alveg á hreinu,“segir Berglind sem er alveg að missa sig yfir bragðinu sem kemur með eplunum. Hér kemur uppskriftin sem mun gleðja bragðlaukana.
Túnfisksalat með eplum
7 egg
2 dósir túnfiskur í vatni (2 x 185 g)
½ laukur
1 grænt epli
1 msk. sítrónusafi
240 g Hellmann‘s majónes
Aromat og pipar eftir smekk
„Ég saxaði eplið frekar smátt niður en þið getið að sjálfsögðu stýrt stærðinni á bitnum á því sem og lauknum eftir því sem ykkur finnst best. Ég er svolítið mikill saxari oft á tíðum og vill oftast hafa allt mjög smátt saxað.“