Arna Dögg Einarsdóttir hefur verið ráðin yfirlæknir líknarlækninga á Landspítala frá 1. maí 2022. Tilkynnt er um þetta á vef Landspítalans.
Eiginmaður Örnu Daggar, Dagur B. Eggertsson borgarstjóri, deilir tilkynningunni á Facebook með hamingjuóskum til frúarinnar.
„Happafengur. Þá er þetta opinbert. Landspítalinn, Líknardeildin, samstarfsfólk en síðast en ekki síst sjúklingar og aðstandendur á Líknardeildinni sannarlega heppin. Þú brenndur fyrir þessu starfi og sinnir því af ótrúlegri óeigingirni, hlýju og metnaði. Til hamingju! Og þú verður að sjálfsögðu aldrei ávörpuð annað en „frú yfirlæknir“ heimavið hér eftir. Við erum ótrúlega stolt af þér!,“ segir Dagur.Arna Dögg lauk læknaprófi frá Karolinska Institutet í Stokkhólmi í janúar 2003. Hún lauk framhaldsnámi í almennum lyflækningum á Landspítala árið 2008 og hlaut sérfræðileyfi í árið 2012. Árið 2015 lauk hún samnorrænu framhaldsnámi í líknarlækningum (Nordic Specialist Course in Palliative Medicine) og fékk viðbótarsérfræðileyfi í líknarlækningum árið 2016. Þetta kemur fram á vef Landspítalans.
Arna Dögg hefur starfað við líknarlækningar frá 2010; við líknardeild, í sérhæfðri líknarheimaþjónustu (HERA) og líknarráðgjafateymi.
Hún hefur sinnt reglubundinni stundakennslu bæði við læknadeild og hjúkrunarfræðideild Háskóla Íslands frá árinu 2013 auk þess sem hún kennir á námskeiðum um samtalstækni á Landspítala. Arna Dögg er varaformaður Lífsins – samtaka um líknarmeðferð.
