Það er því óhætt að segja að telauf, sem eru þurrkuð og notuð í heita drykki, hætti ekki að gera gagn eftir að búið er nota þau í drykkinn. Það er hægt að nota þau aftur í garðinum. Þetta kemur fram í umfjöllun Veggie Gardener.
Fram kemur að tepokarnir geri mest gagn í safnhaugnum eða í blómabeðinu. Ástæðan er að ormar eru sólgnir í þau og éta þau. Þeir melta þau og skila út í jarðveginn sem hraðar síðan niðurbrotinu í jarðveginum.
En það eru ekki allir tepokar sem henta til notkunar í garðinum. Ef yfirborð þeirra er slétt þá henta þeir ekki til notkunar í garðinum eða safnhaugnum. En það er hægt að opna þá og nota innihaldið. Það er einnig gott að klippa alltaf bandið og miðana af tepokum áður en þeir eru settir út í garð eða safnhauginn til að að pappírinn og hefti endi ekki í jarðveginum.
Ef þú setur tepokana í beðin þá er hægt að grafa þá niður en það er líka hægt að setja þá í vatn aftur og láta liggja í því þar til það breytir um lit. Þá eru góðu efnin úr tepokanum komin í vatnið og ekkert annað að gera en vökva plönturnar með því.
Það er líka hægt að nota tepoka til að þurrka ryk, varlega, af blöðum inniblóma. Þetta er að sögn eins og góður áburður fyrir plönturnar.
Ekki má gleyma að mýs eru ekki hrifnar af tei. Þær sneiða að sögn hjá stöðum þar sem te er og því er hægt að nota tepoka innan- og utandyra til að fæla mýs frá.
