Bakarinn og listmálarinn Jóhannes Felixson, eða Jói Fel eins og hann er kallaður, fékk verk fyrir brjóstið um helgina og tveimur tímum seinna var hann búinn í bráðaaðgerð. Hann segir frá þessu í færslu á Instagram og þakkar starfsfólki Landspítalans kærlega fyrir.
Veitingamaðurinn segir að dagurinn hefði byrjað eins og venjulega. Hann var í vinnunni en byrjaði skyndilega að svitna og fá mikinn svima.
„[Ég] byrjaði að svitna og fá mikinn svima. Verk í handlegg og svo í brjóstið. Auðvitað hringdi ég í konuna mína sem er hjúkrunarfræðingur og fer hún með mig beint á bráðamóttökuna á Borgarspítalanum þar sem hún vann áður. Var skoðaður fram og til baka og var svo keyrður i sjúkrabíl með blikkandi ljósum á Landspítalann. Var kominn i aðgerð nokkrum mínútum seinna. Þó svo sjúkrahúsin séu full og mikið álag fannst mér eins og ég væri eini sjúklingurinn. Tveimur tímum eftir að ég fann fyrir verkjum var ég búinn i bráðaaðgerð. Þurfti fara í hjartaþræðingu og var CX æðin 100% stífluð sem er víst ein af þessum stóru aðal æðum,“ segir hann.
„En nú er allt í besta lagi og verð ég fljótlega kominn aftur i daglega rútínu. Á Felino er frábært starfsfólk sem sér um allt saman á meðan ég næ mér að fullu. Takk fyrir allar kveðjurnar. En ég held að við ættum að þakka mest okkar frábæra heilbrigðis fólki.“
View this post on Instagram
Sjá einnig: Jói Fel 55 ára og ber að ofan – „Sit uppi með þetta útlit núna“
Jói Fel hefur verið duglegur að leyfa fólki að fylgjast með dvöl sinni á Landspítalanum í Story á Instagram, þá aðallega á matmálstímum. Í gær fékk hann aspassúpu, steiktan fisk og bananabrauð í eftirrétt sem hann borðaði með bestu lyst.
