Tveir voru handteknir af lögreglu eftir stórfellda líkamsárás og frelsissviptingu í dag. Við handtöku fannst einnig nokkuð magn af fíkniefnum. Þolandi fór á slysadeild til aðhlynningar. Þetta kemur fram í tilkynningu frá lögreglunni á höfuðborgarsvæðinu. Málið kom upp á svæði lögreglustöðvar 1.

Þá var tilkynnt um umferðaróhapp á gatnamótum Fellsmúla/Háaleitisbrautar. Ekki talin slys á fólki en þegar þetta er ritað liggja ekki frekari upplýsingar fyrir.

Lögreglustöð 2 fékk inn á borð til sín tilkynningu um átök milli tveggja aðila sem báðir voru handteknir og vistaðir í fangaklefa vegna málsins. Málið er í rannsókn.

Lögreglustöð 3 handtók mann vegna hótana og var hann vistaður í fangaklefa vegna málsins.

Tilkynnt um átök milli tveggja aðila. Báðir handteknir og vistaðir vegna málsins.Einnig fannst þýfi og fíkniefni þar sem hann var handtekinn.

Ekkert kom fram í tilkynningunni um skotárásina sem átti sér stað í nótt en boðað var í morgun að sent yrði önnur tilkynning vegna hennar seinna í dag.