Jóhannes Tryggvi Sveinbjörnsson var nú klukkan eitt dæmdur í eins árs fangelsi fyrir að hafa nauðgað konu sem hann var með til meðferðar árið 2012.

Konan, Ragnhildur Eik Árnadóttir, hefur talað opinskátt um málið undanfarin misseri og barðist meðal annars fyrir því að málið yrði háð fyrir opnum dyrum í Héraðsdómi Reykjaness. Þá var málið í tvígang fellt niður. Fyrst á rannsóknarstigi og svo aftur hjá héraðssaksóknara en í báðum tilfellum fékk Ragnhildur það endurvakið með kæru til Ríkissaksóknara.

Jóhannes var fyrir ári dæmdur í fimm ára fangelsi í þessum sama dómstól fyrir fjórar nauðganir. Sá dómur var þyngdur í byrjun síðasta vetrar í sex ára fangelsi.

Dóminum yfir Jóhannesi hefur þegar verið áfrýjað til Landsréttar.