Líkt og greint var frá í morgun tilkynnti Hagkaup að fyrirtækið hefði blásið af svokallaða danska daga sem fyrirhugaðir voru á næstunni, og fór þar verslunarkeðjan að fordæmi nokkurra veitingastaða í borginni. Þannig sagði Jómfrúin, sem sérhæfir sig í dönsku smurbrauði, í gær að þeir myndu bjóða matargestum upp á „einn danskan drykk að eigin vali“ í hádeginu í dag. Fyrirsögn tilkynningarinnar var einfaldlega: „Undskyld Island!“

Af lestri færslunnar Jómfrúarinnar, sem sjá má hér að neðan, má þó bersýnilega greina góðlátlegan hæðnistón, enda hefur DV ekki heimildir fyrir öðru en að þar hafi verið góð dönsk stemning í dag sem aðra daga.

Þá tilkynnti veitingastaðurinn Sport og Grill í Smáralind að hið hefðbundna Happy Hour yrði með breyttu sniði í ljósi næstu tvo daga vegna vendinga gærkvöldsins í handboltaheiminum. „Af gefnu tilefni verða Carlsberg og Tuborg EKKI á Happy Hour hjá okkur fimmtudag og föstudag,“ sögðu forsvarsmenn veitingastaðarins í tilkynningu á Facebook.

Pirringur Íslendinga út í frændur okkar á meginlandinu ætti ekki að hafa farið fram hjá neinum eftir yfirgengilegt klúður Dana í leiknum í gær. Klúður sem bitnaði ekki á neinum nema okkur.

Hins vegar hefur það verið sagt um íslenska þjóð að hún fari jafn fljótt niður og hún fer upp, svo, að höfðu samráði við sérfræðinga í þjóðarpúlsnum, telur DV rétt að spá því að pirringurinn verði að mestu blásinn yfir um næstu helgi og sölutölur Carlsberg og Tuborg komnar í samt horf strax fyrstu helgina í febrúar.

Í því ljósi má jafnframt benda á að af lestri færslna veitingastaðanna má bersýnilega greina