Will Forte mætti með nýtt útlit í veislu – Rakaði aðra augabrúnina, hálft skeggið og hárið
Leikarinn Will Forte, sem leikur aðalhlutverkið í sjónvarpsþáttunum „Last man on earth“, hefur rakað af sér skeggið sem hann hefur safnað síðastliðin ár, að hluta til að minnsta kosti.
Forte mætti í veislu í Kaliforníu síðastliðinn föstudag og var þá óvænt búinn að raka hálft skeggið og hárið af sér.
Eins og sjá má á meðfylgjandi mynd rakaði Forte einnig aðra augabrúnina af sér.
Aðrir leikarar úr þáttunum mættu einnig hálfrakaðir í veisluna en gengu þó ekki eins langt og Forte. Leikarinn Mel Rodriguez mætti sem dæmi með hálft yfirvaraskegg í veisluna en var enn með báðar augabrúnirnar.
Ekki er vitað hvers vegna Forte ákvað að raka aðeins annan helminginn af skegginu, hárinu og aðra augabrúnina.
Forte gaf þó út fyrir skemmstu að eitthvað brjálað myndi gerast í nýjustu þáttaröðinni af „Last man on earth“ sem hefst í vor og mun nýja útlitið spila þar inn í.
Will Forte and Mel Rodriguez rocked interesting new hair cuts last night: https://t.co/x4qOHp9eCv pic.twitter.com/p23fElyXIx
— E! Online (@eonline) January 16, 2016
