Erla Bolladóttir, einn sakborninga í Geirfinnsmálinu, vann í dag áfangasigur í dómsal er úrskurður endurupptökunefndar í máli hennar var felldur úr gildi í Héraðsdómi Reykjavíkur. Mál hennar fer til endurupptökudóms til nýrrar meðferðar og þar verður kveðinn upp úrskurður um hvort skilyrði séu fyrir því að taka upp mál hennar aftur. Erla er eini sakborningurinn af sex sem hlutu dóma í málinu sem ekki hefur fengið mál sitt endurtupptekið. Aðrir sakborningar hafa verið hreinsaður af fyrri dómum sínum í málinu og eru sýkn saka.

Erla ræddi við Fréttavaktina á Hringbraut í kvöld og vefur Fréttablaðsins greindi frá því. Erla var spurð hvort líkur væru til þess að hvarf Geirfinns, sem hvarf í Keflavík að kvöldi 19. nóvember árið 1974, muni nokkurn tíma upplýsast. Erla sagði:

„Ég lít alltaf á það sem bara svona helmingslíkur. „Það er einhver þarna úti sem veit eitthvað meira en við hin um afdrif Geirfinns og reyndar Guðmundar líka. Sá sem það veit hefur ekki séð ástæðu til að stíga fram og upplýsa þjóðina um hvað var að gerast þarna, en mér þætti forvitnilegast að skyggnast inn í hugsanir þeirra rannsóknarmanna í Keflavík sem upphaflega rannsökuðu hvarf Geirfinns, til að komast að því hvað í ósköpunum var um að vera í Keflavík þetta kvöld og þessa nótt sem hann hvarf.“