fbpx
Föstudagur 04.apríl 2025
Pressan

18 létust af völdum Ómíkron í Danmörku á fimm vikum

Kristján Kristjánsson
Þriðjudaginn 4. janúar 2022 08:17

Mynd:Getty

Ekki missa af Helstu tíðindum dagsins í pósthólfið þitt

Lesa nánar

Danska smitsjúkdómastofnunin, SSI, birti í morgun í fyrsta sinn upplýsingar um fjölda dauðsfalla af völdum Ómíkronafbrigðis kórónuveirunnar. Uppgjörið nær yfir tímabilið frá 21. nóvember til 28. desember.

Á þessu tímabili greindust 55.700 manns með Ómíkron. Af þeim létust 18. Hvað varðar skráningu andláta þá flokkast það sem andlát af völdum kórónuveirunnar ef einstaklingur andast innan 30 daga eftir að staðfest er að viðkomandi sé sýktur af kórónuveirunni.

Á sama tímabili létust 100 af völdum annarra afbrigða veirunnar, flestir af völdum Delta. Heildarfjöldi smita af völdum annarra afbrigða var 127.146.

Út frá þessum tölum sést að tíðni dauðsfalla af völdum Ómíkron er um helmingur þess sem er af völdum annarra afbrigða. En það verður að setja þann varnagla að afbrigðið er nýtt og það líður ákveðinn tími frá smiti þar til fólk er hugsanlega lagt inn á sjúkrahús og/eða deyr. Einnig getur verið að ekki hafi allar skráningar um dauðsföll skilað sér enn sem komið er.

SSI telur að Ómíkron standi nú að baki um 90% smita í Danmörku.

Á þeim tæpu tveimur árum sem eru liðin síðan heimsfaraldurinn skall á hafa 3.292 látist af völdum COVID-19 í Danmörku en 840.037 hafa greinst með veiruna. Þetta svarar til þess að um 0,4% smitaðra hafi látist.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra
Pressan
Í gær

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 3 dögum

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Hún var kölluð Lafði Dauði

Hún var kölluð Lafði Dauði
Pressan
Fyrir 4 dögum

Ný gögn frá NASA benda til að við eigum heima í svartholi

Ný gögn frá NASA benda til að við eigum heima í svartholi