Samkvæmt Thor Aspelund, prófessor í líftölfræði við Háskóla Íslands greindust um 300 einstaklingar smitaðir af COVID-19 hér á landi í gær. Hann ritar um þetta á Facebook.
Þar fer hann yfir veldisvöxt veirunnar og hversu mikill hann er nú orðinn.
„Það er ískyggilegt miðað við að smittölur dagsins sýna um 300 og ef hún nær að tvöfalda sig á innan við viku. Það er samt vanmat á tvöföldunartíma omíkron! Það er af því að við erum ennþá að horfa á blöndu af tveimur faröldrum því delta er ennþá með. Svo mun omíkron taka yfir.“
Thor segir að tvöföldunartími omíkron afbrigðis sé meiri en við höfum séð áður og treystir hann sér ekki að spá hvenær hægt sé að snúa við þessari þróun.
Vísir greinir frá því að samkvæmt Má Kristjánssyni yfirlækni á smitsjómdómadeild Landspítala hafi 325 bæst við á Covid-göngudeild í gær, en þangað eru allir sem greinast smitaðir skráðir.
Uppfært. 11:09 – 286 smit greindust hér innanlands í gær samkvæmt covid.is og 27 á landamærunum eða allls 313 smit.
