Hver kannast ekki við hugljúfa jólaævintýrið um hann Trölla sem stal jólunum? Líklega eru það fáir. Ævintýrið um hinn græna fýlupúka Trölla sem hataði ekkert meira en jólin og ákvað dag einn að stela jólunum frá öllum bæjarbúum. Hins vegar lærði hann að lokum mikilvæga lexíu um kærleikann sem glæddi jólagleði í hjarta hans. En þar til hann lærði þá lexíu greip hann til allskonar óknytta til að hrella jólabörnin í kringum hann.

Móðir nokkur í Írlandi, Laura Magill, ákvað að nýta sér þjónustu sem býður upp á það að fá sjálfan Trölla í heimsókn. Fyrir þetta greiddi hún 15 þúsund krónur og bjóst við að fá þar leikara í búning í heimsókn sem myndi gera nokkur prakkarastrik á borð við að skreyta jólatré með klósettpappír og afbúa um rúm barna hennar.

Sú varð ekki raunin og skrifaði Laura reiðipóst á Facebook í kjölfar heimsóknarinnar.

„Svo ég borgaði 15 þúsund krónur til að fá Trölla í heimsókn. Þessi þjónusta er auglýst sem svo að Trölli komi í heimsókn drasli til í rúmum barnanna, setja klósettpappír á jólatréð og svo sé hægt að taka myndir með honum í lokin.

Það sem ég hins vegar fékk var: Öllum veislumat, þar á meðal rándýrum bollakökum var hent út um allt, jólaskraut var brotið. Uppþvottalegi var hellt á eldhúsgólfið, egg voru brotin og heilli flösku af safa var hellt yfir gólfin mín OG YFIR SON MINN. Samfestingur afkvæmisins var eyðilagður. ÉG MÆLI EKKI MEÐ, ég er búin að senda tölvupóst og kvarta en hef engin svör fengið. Trölli kom svo sannarlega og stað jólunum. Mér hefur aldrei í lífinu verið svona misboðið.“ 

Meðfylgjandi myndir fylgdu færslunni og má þar sjá afleiðingar þess að fá Trölla í heimsókn. Það vekur þó upp spurninguna hvort að maður ætti að bjóða þeim í heimsókn sem er heimsfrægur fyrir einbeittan brotavilja þegar kemur að því að stela jólunum.