Tilkynnt var um þjófnað úr íþróttahúsi í Laugardalnum í dag. Þar var búið að fara inn í búningsklefa og taka þaðan síma. Málið í rannsókn hjá lögreglu.
Þetta kemur fram í dagbók lögreglu. Einnig er greint frá því að slagsmál brutust út í hverfi 108. Lögregla kom á vettvang og handtók einn mann fyrir líkamsárás. Er hann núna í fangageymslu lögreglu vegna rannsóknar málsins.
Þá segir frá því að brotist var inn í geymslu í miðborginni og stolið verkfærum. Málið er í rannsókn lögreglu.
